Samfélagsskýrsla Bláa Lónsins er byggð á „the Global Reporting Initiative“ (GRI), sem er sjálfseignastofnun sem stuðlar að sjálfbærni í efnahagsmálum og framleiðir einn af þekktustu stöðlum heims fyrir skýrslugerð um samfélagsábyrgð. 

GRI staðlar eru hannaðir til að hjálpa fyrirtækjum að móta staðlaða samfélagsskýrslu. Í heildina hafa fleiri en 5.000 fyrirtæki í heiminum byggt upp samfélagsskýrslu sína á GRI stöðlunum. Stefna GRI er að hvetja ábyrgðaraðila, með sjálfbærnivísum GRI og tengslaneti hagsmunaaðila, að byggju rekstur sinn upp með hliðsjón á aukinni sjálfbærni í efnahagsmálum og heiminum í heild. 

Í ár eru fyrstu skref stigin í átt að upplýsingagjöf samkvæmt Global Reporting Initiative, GRI Core, fyrir rekstrartímabilið janúar 2019 – desember 2019. Lykilstarfsmenn innan Bláa Lónsins tóku þátt í að móta innihald skýrslunnar og að skilgreina umfang hennar. Það var gert með reglulegum fundum, umræðum, viðtölum, eftirfylgni, rýni gagna og skýrslugerð. Megin reglum staðalsins (Grunnstaðall 101) var fylgt eftir í gegnum alla skýrslugerðina.